Flandra Esperanto-Ligo

Eldona agado de FEL laŭdata

Antaŭ nelonge la konata aŭtoro Sten Johansson proponis aldoni 14 prozajn verkojn al la Baza Legolisto; alivorte al la listo de romanoj kaj novelaroj, kiujn ĉiu devus legi. Inter tiuj 14 verkoj 4 estis eldonitaj de Flandra Esperanto-Ligo. Jen ili:

García, Higinio: Kapturnoj. 1999

Karpunina, Lena: La bato. 2000

Löwenstein, Anna: La memoraĵoj de Julia Agripina. 2021

Rodin, Sen (Franceschi, Filippo): Bildoj pri norda lando kaj aliaj rakontoj. 2006

Tri-lingva, medicina interpretisto / tradukhelpilo

Ĝoje ni informas Vin, ke pretiĝis la nederlanda-esperanta-ukraina versio de la tri-lingva, medicina interpretisto / tradukhelpilo. Dankegon al S-ino Ineke Emmelkamp, kiu zorgeme adaptis la flandran tekston al la nederlanda. Jam aperis la aldonita PDF-versio sur la retejo de UMEA. Ekde nun ĉiu nederlanda medicinisto, kiu elŝutas la ĝis nun pretiĝintajn 6 tri-lingvajn versiojn, kaj posedas la eminentan libron Ärztlicher Dolmetscher de D-ro Gert Hoyer kaj D-rino Uta Hoyer povas pridemandi la anamnezon / malsanhistorion de siaj eksterlandaj pacientoj, kaj informi ilin pri la diagnostikaj kaj terapiaj rimedoj en 23 lingvoj. Ĉio ĉi povas savi vivon.

La menciita libro estas aĉetebla, elŝutebla helpe de tiu ĉi ligilo: https://link.springer.com/book/10.1007/978-3-662-48739-6 Ĉiuj tri-lingvaj versioj montras la praktikan, neŭtralan, pontolingvan rolon de Esperanto.

La internacia magazino sendependa pri politiko, moderna vivo, scienco, ekonomio, arto, turismo, medio, komputado kaj multe pli! Legu pli!